Ermənistan polisi Yerevanda Marşal Baqramyan prospektində elektrik enerjisi tariflərinin bahalaşmasına qarşı keçirilən etiraz aksiyası iştirakçılarına xəbərdarlıq edib. Bu barədə RIA NOVOSTİ xəbər verir.

Polis rəsmiləri bildiriblər ki, bu addım ictimai sabitliyin bərpa olunması zərurəti ilə atılır.

Yerevanın polis rəisinin müavini, polkovnik Valeriy Osipyan deyib ki, aksiyaçıların hərəkətləri qanunsuzdur: "Biz təkrar izah edəcəyik ki, onlar təcili aksiyanı dayandırsınlar. Mən inanıram ki, xalq bizim izahatımızı başa düşəcək. Əks halda, biz ictimai asayişi bərpa edəcəyik".