Polis aksiya iştirakçılarına qarşı odlu silahdan istifadə edib
Suriya hüquqmühafizə orqanlarının əməkdaşları ilə nümayişçilər arasındakı qarşıdurmada 30 nəfər həlak olub. Xəsarət alan onlarla insan xəstəxanalara yerləşdirilib. Aksiyalar əsasən paytaxt Dəməşqdə, Homs, Hama və digər iri şəhərlərdə keçirilib.

Polis etiraz nümayişinin dağıdılması üçün odlu silahdan istifadə edib. Şahidlər bildirir ki, polis əhalinin nümayişlərə qatılmasının qarşısını almaqdan ötrü cümə namazından sonra bəzi məscidlərin giriş-çıxışını bağlayıb.