Son Günlərdə Güney Azərbaycanın qərb bölgəsində havanın vəziyyəti yenidən pisləşib.
Qərbi Azərbaycan Ətraf-Mühit Mühafizə İdarəsinin rəsmilərindən biri Səid Musəvi Urmiyada havadakı toz zərrəciklərinin 26.7 dəfə normadan artıq olduğunu bildirib.

Səid Musəvi bildirib ki, şənbə günü səhər vaxtı Urmiydə havadakı toz zərrəcikləri 26.7 dəfə normadan artıq olub.

“İrna” xəbər agentliyinin yaydığı məlumatda bildirir ki, Səid Musəvi sözlərinin davamında bunları deyib: “Şənbə günü Urmiaə havasındakı toz zərrəcikləri 1 kvadrat metrdə 4150 mikroqrama çatıb. Bu isə şəhər havasının təhlükəli həddə olmasından xəbər verir.”

Qeyd edək ki, Qərbi Azərbaycanda müşahidə olunan tozlu hava şəraiti 5-ci gün İraq ölkəsindən gələn tozlu hava kütləsi ilə bağlı olub. Məlumata görə, Qərbi Azərbaycanın mərkəzi və Güney bölgələri İraqdan gələn tozlu hava kütləsinin təsirinə məruz qalıb.