Türkiyə parlamentinin yeni sədrinin seçilməsi ilə bağlı səsvermə başlayıb. Bu barədə “TRT Haber” telekanalı məlumat verir.

Səsvermə üç mərhələdə keçiriləcək. İkinci və üçüncü mərhələlər iyulun 1-i baş tutacaq.

Xatırladaq ki, Türkiyənin hakim Ədalət və İnkişaf Partiyasının (AKP) parlamentin sədrliyinə namizədi müdafiə naziri İsmət Yılmaz, Cümhuriyyət Xalq Partiyasının (CHP) namizədi partiyanın sabiq lideri, hazırda Türkiyə parlamentinə müvəqqəti sədrlik edən Dəniz Baykaldır. Milliyyətçi Hərəkat Partiyası (MHP) isə parlament sədrliyinə İslam Əməkdaşlıq Təşkilatının keçmiş baş katibi, hazırda bu partiyadan parlamentə deputat seçilən Ekmələddin İhsanoğlunun namizədliyini irəli sürüb. Xalqların Demokratik Partiyasının (HDP) namizədi AKP sədrinin sabiq müavini, daha sonra HDP partiyasına keçən Mirmehdi Dengir Fıratdır.