“İslamdan islama” kitabının yazıçısı Hesaməddin Fərzizadə Meşginşəhr məhkəməsinin 101-ci şöbəsi tərəfindən 7 il həbs, 74 zərbə şallaq və edam cəzasına məhkum edilib. Yazıçı islam müqəddəsatını təhqir etmək, yanlış əqidələrin təbliği və mürtəddlikdə ittiham olunub.
İnsan haqları xəbər agentliklərinin yaydığı məlumata görə, müttəhimin qardaşı bildirib ki, təxminən 6 ay öncə qardaşım “İslamdan islama” kitabını yazdığına görə ETTELAAT (İran Kəşfiyyat Nazirliyi) məmurları tərəfindən yaxalanıb və Meşginşəhr zindanına aparılıb. O bir neçə məhkəmə iclasından sonra edam cəzasına məhkum edilib.

Məlumata görə, hazırda depressiya xəstəliyindən əziyyən çəkən müttəhim zindanda ağır şəraitdə saxlanılır. Meşginşəhr zindanında siyasilər üçün xüsusi bölüm olmadığından H.Fərzizadə narkomanlarla birlikdə saxlanılır. Onun cismi və ruhi baxımdan vəziyyətinin yaxşı olmadığı bildirilir.