Azərbaycanda IMS-ın (IP Multimedia Subsystem) baş stansiyası yaradılıb. Bunu ölkənin telekommunikasiya bazarındakı mənbə deyib.

Operatorlara müştərilərin tələbatlarının dəyişməsinə operativ reaksiya verməyə və multimedia xidmətlərinin tətbiqinə ayrılan müddətin azaldımasına imkan yaradan IMS arxitekturası regional DATA mərkəzinə əsaslanır.

IMS platforması respublika ərazisində işə salınmış bütün operator stansiyaları üçün birləşdirici halqa funksiyasını yerinə yetirəcək.

IMS-in funksiyalarından biri mobil şəbəkənin siqnalının fiksasiya edilmiş telefoniya şəbəkəsinə avtomatik ünvanlandırılmasıdır.

Yeni platforma operatorlara vahid IP infrastrukturu vasitəsilə məlumatların ötürülməsi, səs və media xidmətləri əsasında kompleks xidmət və servislər təqdim etməyə imkan verəcək.

Kontentə çıxış genişzolaqlı şəbəkələr vasitəsilə təmin ediləcək.