Şrift:
İran rəsmisi: -Bizi dünya voleybol liqasının finalına ev sahibliyi etməkdən məhrum edəcəklər
03.07.2015 [10:31] - Güney Azərbaycan xəbərləri, Güney Azərbaycan-Təbriz
İran Voleybol Federasiyasının rəisi Məhəmmədrza Davərzəni iyulun 2-də jurnalistlərə açıqlamasında ölkənin voleybol üzrə bir sıra mühüm beynəlxalq yarışlara ev sahibliyi etməkdəm məhrum edilə biləcəyindən narahatlığını bildirib.
Məhəmmədrza Davərzəni deyib ki, ölkədə yarışlar zamanı qadın azarkeşlərin idman komplekslərinə və idman zallarına buraxılmaması İranı bir çox beynəlxalq rəqabətlərə ev sahibliyi etməkdən məhrum edə bilər: “Beynəlxalq Voleybol Federasiyası bu növ yarışlara ev sahibliyi etmək istəyən ölkələr qarşısında çətin şərtlər qoyur. Bu sözsüzdür. Belə olan halda isə çox ehtimal ki, bizi gələn il dünya voleybol liqasının final mərhələsində müxtəlif yaş qruplarında keçiriləcək beynəlxalq yarışlara ev sahibliyi etməkdən məhrum edə, bundan bizə qarşı bir təzyiq amili kimi istifadə edəcəklər”.

Qeyd edək ki, İyunun 19-u və 21-də dünya voleybol liqası çərçivəsində Tehranın 12 min nəfərlik “Azadi” idman komleksində İran-Amerika voleybol komandaları arasında keçirilən yarışa İranın qadın azarkeşləri buraxılmayıb. Bu isə ölkə mətbuatında və ayrı-ayrı idman mühitlərində narazılıqla öz əksini tapıb.
İranda qadın azarkeşlərin istənilən yarışlarda stadionlara və idman zallarına buraxılması qadağandır. Qadın hüquqları uğrunda mübarizə aparan təşkilatlar və beynəlxalq qurumlar bundan əvvəl dəfələrlə İran hökumətinə müraciət edərək qadınların stadionlara və idman zallarına girişinə qoyulan qadağaya etiraz bildiriblər.
Bu xəbər oxucular tərəfindən 825 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed