Onun ölümü terror şəbəkəsi üçün böyük zərbə hesab olunur
Dünyanın ən təhlükəli terrorçularından olan Ənvər əl-Əvlaki ilə birlikdə "Əl-Qaidə" bombalarının yaradıcısı İbrahim Həsən əl-Əsiri də öldürülüb.
2009-cu ildə Detroytda (ABŞ) təyyarənin partladılması üçün bombanı məhz İbrahim Həsən əl-Əsiri hazırlamışdı. O zaman bomba partlamasa da, üzərində Əsirinin barmaq izləri aşkarlanmışdı.
Yəmənin xüsusi xidmət orqanları bildirir ki, "Əl-Qaidə" də xüsusi mövqeyi olan İbrahim Həsən əl-Əsirinin ölümü terror şəbəkəsinin digər liderlərinin məhvinə kölgə salır. Onun ölümü terror şəbəkəsi üçün böyük zərbə hesab olunur.