İsrailin baş naziri Benyamin Netanyahu İyulun 6-da jurnalistlərə açıqlamasında Qərbin Vyanada İranla apardığı nüvə müzakirələrinə münasibət bildirib.
Netanyahu deyib ki, tərəflər arasında mümkün razılaşma İranın nüvə silahına yiyələnməsinin qarşısını almır: “Biz 5+1 qrupunun hər gün İranın tələblərinə boyun əyməsinin şahidiyik. Bu razılaşma gündən-günə daha pisləşir. Daha doğrusu bu razılaşma İranın nüvə silahına yiyələnməsinin yolunu hamarlayır”.

Netanyahu həmçinin bildirib ki, pis bir razılaşmanın ardınca sanksiyaların ləğv olunması blokadaya alınmış milyardlarla dolların İrana qaytarılmasına gətirib çıxaracaq: “Bu pullar isə bölgədə terrorizmə dəstəyə, o sıradan da əsas hədəfləri İsrail olan “Həmas”la Livan “Hizbullah”ına sərf ediləcək”.