Təbrizin “Traxtur” futbol komandasının yaxın günlərdə Türkiyəyə səfər edəcəyi ilə bağlı xəbər yaymışdıq. Təlim-məşq məqsədi ilə səfərə çıxan “Traxtur” komandası 10 gün Türkiyədə qalacaq.
“Traxtur”un Türkiyə səfəri 6-cı gün başlamalı idi, lakin son məlumata görə, Azərbaycan komandası bir neçə gün təxirlə qarşıdan gələn 2-ci gün bu ölkəyə səfər edəcək.

“Traxtur” Türkiyə paytaxtı Ankaranın 65 kilometrliyində nəzərdə tutulan bir stadionda məşqlərini davam etdirəcək. Bu səfərdə Azərbaycan komandası üçün iki dostluq yarışı nəzərdə tutulub.

Məlumatda deyilir ki, “Traxtur”un oyunçuları və onların yekun vəziyyəti sözügedən səfərə qədər tam müəyyənləşəcək.