Milli Dirçəliş Hərəkatı Partiyası hələ 2003-cü ildə Fərəc Quliyevin şəxsi təşəbbüsü ilə başladılmış işi - Azərbaycanın ərazi bütövlüyü uğrunda vuruşmuş Milli Qəhrəmanların cəmiyyətə bir daha təqdim olunmasını davam etdirir.

Davam.az da bu təşəbbüsə qoşulur və Milli Qəhrəmanların doğum günlərində onlar haqqında məlumatları dərc edir.

Qəhrəmanlar Unudulmur!

Fəxrəddin İbrahim oğlu Şahbazov 1950-ci il yanvarın 22-də Bakı şəhərində anadan olub. O, Azərbaycan Dövlət Televiziyasında operator kimi çalışıb, dəfələrlə cəbhə bölgəsində olub, qaynar nöqtələrdən telereportajlar hazırlayıb. 1991-ci il noyabrın 20-də Xocavənd rayonu Qarakənd kəndi yaxınlığında erməni terrorçularının vurduqları vertolyotda həlak olub. 1992-ci il dekabrın 4-də Milli Qəhrəman adına layiq görülüb. Bakı şəhərində Şəhidlər Xiyabanında dəfn edilib.