Builki super liqa rəqabətlərində Təbrizin “Traxtur” futbol takımına kimin baş məşqçilik edəcəyi nəhayətki müəyyənləşdi.
Son məlumata görə, “Traxtur”un keçmiş baş məşqçisi Portuqaliya vətəndaşı Tuni Olivera bu il də Azərbaycan komandasına baş məşqçilik edəcək. O iyulun 13-də “Traxtur” klubu ilə müqaviləsini yenidən uzadıb.

Azərbaycanlılar tərəfindən olduqca sevilən baş məşqçinin öz fəaliyyətini davam etdirməsində “Traxtur” klubunun müdir-amili Səid Abbasinin böyük rolu olduğu bildirilir.

Bu günə qədər “Traxtur”a kimin baş məşqçi seçiləcəyi ilə bağlı müxtəlif şayiələr yayıldı. Son olaraq bildirildi ki, Temuriyan və Edinhonun müqaviləsi uzadılmasa T.Olivera “Traxtur”u tərk edəcək. Lakin baş məşqçi artıq bütün şayiələrə son qoydu.