Bu ilin yanvar-may ayları ərzində Azərbaycanda 1156 əkiz, 33 üçəm körpə doğulub.

Dövlət Statistika Komitəsindən verilən məlumata görə, bu il yanvar-may ayları ərzində Azərbaycanda 66,4 min körpə dünyaya göz açıb.

Komitədən verilən məlumatda qeyd olunur ki, ölkədə hər gün orta hesabla 440 körpə doğulub. Əhalinin hər 1000 nəfər hesabı ilə bu göstərici 16,9-dur. Doğulan körpələrin 53,6 faizi oğlanlar, 46,4 faizini qızlar təşkil edib. Körpələrin 706-sı əkiz, 18-i üçəm doğulub.

Qeyd edək ki, əvvəllər Azərbaycanda əkiz, xüsusilə üçəm uşaqların doğulması hallarına nadir hallarda təsadüf edilsə də, son illərdə belə uşaqlı ailələrin sayı artıb.

Dövlət Statistika Komitəsinin məlumatına görə, Azərbaycanda 2011-ci ildə 1506 əkiz, 33 üçəm, 2012-ci ildə 2176 əkiz, 39 üçəm, 2013-cü ildə 2270 əkiz, 42 üçəm, 2014-cü ildə 3148 əkiz, 60 üçəm doğulub. Ümumilikdə yalnız son 4 il ərzində Azərbaycanda 9100 əkiz, 174 üçəm dünyaya gəlib.