Azərbaycan “LADA” markalı Rusiya istehsalı maşınların əsas idxalçılarından biri olacaq.

Bu barədə “AvtoVAZ” şirkətinin direktoru Bu Anderssonun Rusiya mətbuatına verdiyi bəyanatda məlumat verir.

B.Andersson bildirib ki, “LADA” avtomobilləri yeni standartlara keçdikdən sonra Rusiya bazarından başqa, 15-20 xarici dövlətdə də satışa çıxarılacaq: “İyulun 1-dən maşınlarımız Avropa standartlarına uyğun olacaq. Şirkət artıq 2015-ci ildə 70 min avtomobilin tədarükü ilə bağlı müqavilə imzalayıb. İlin yekunlarına əsasən, TOP-5 idxalçı arasında Qazaxıstan, Azərbaycan, Misir, Ukrayna və Almaniya yer alıb”.