ABŞ qırıcı təyyarələri Türkiyədəki “İncirlik” hərbi bazasından istifadə edərək “İslam dövləti” (İD) terror təşkilatının mövqələrinə zərbə endirə biləcək.

“Hürriyət” qəzetinin verdiyi məlumata görə, bu addım Türkiyə və ABŞ arasında terror təşkilatına qarşı birgə mübarizə çərçivəsində atılıb.

Hərbi baza İD-yə qarşı mübarizə aparan koalisiya qüvvələrinin də sərəncamında olacaq.

Xatırladaq ki, hərbi bazanın İD-yə qarşı istifadə edilməsi məsələsində yekun qərara gəlmək üçün ötən gün Türkiyə və ABŞ prezidentləri Rəcəb Tayyib Ərdoğan və Barak Obama araslnda telefon danışığı olmuşdu.