Güney Azərbaycanın Çaldıran şəhəri ətrafında yerləşən Qarakilsədə ermənilərin ənənəvi sözdə "dini mərasimləri" başlayıb.
İran mətbuatının yaydığı məlumata görə, ənənəvi olaraq hər il Qarakilsədə keçirilən mərasimdə İran və dünya erməniləri iştirak edir. Mərasimdə müxtəlif dini ayinlərin keçiriləcəyi bildirilir.

İyulun 23-dən 25-dək davam edəcək mərasimə 5000 nəfərdən çox erməni o cümlədən Yapiskop Çifçian qatılacaq.

Çaldıran şəhərinin icra başçısı ermənilərin mərasimi barədə bildirib ki, hər il Qarakilsənin "zəvvarları" üçün lazımi dəstək verilir və onların rifahı, təhlükəsizliyi, sağlamlığı və s. kimi işləri yüksək səviyyədə təmin olunur. Bu il zəvvarlara xidmət göstərmək üçün 100 nəfərdən çox işçi qrup nəzərdə tutulub.

Qeyd edən ki, sözügedən mərasim hər il Çaldıran şəhəri ətrafında yerləşən Qarakilsədə geniş şəkildə həyata keçirilir. Bu o halda baş verir ki, elə Qarakilsənin yerləşdiri Azərbaycan ərazilərində, soydaşlarımız milli-mədəni hüquqları vəya Dağlıq Qarabağla bağlı hərhansı tədbir həyata keçirə bilmirlər. Bu zəmində ən kiçik tədbir keçirmək İran rejimi tərəfindən qadağan edilib!