Yerevan polisi elektrik enerjisi tariflərinin artırılmasına qarşı çıxan "Ayağa qalx, Ermənistan" hərəkatının Respublika meydanında 72 saatlıq oturaq aksiya keçirməsinin qarşısını almağa çalışır.

RİA Novosti agentliyinin verdiyi məlumata görə, polis əməkdaşları canlı sədd yaradaraq etirazçılara meydana doğru irəliləməyə imkan vermirlər.

Qeyd edək ki, "Ayağa qalx, Ermənistan" hərəkatı avqustun 1-dək qərarın ləğv edilməsini tələb edir. Onlar tələbləri yerinə yetirilməyəcəyi təqdirdə etiraz aksiyalarını davam etdirmək, əsas magistral yolları bağlamaq niyyətindədirlər.