Güney Azərbaycanın qeyri-standard caddələrində baş verən faciəvi yol qəzalarının ardı kəsilmir.
Zəncan vilayətində baş verən yol qəzasında 2 nəfər sərnişin dünyasını dəyişib. Bu barədə danışan Zəncan vilayəti yol polisinin rəisiƏliəsğər Şirməhəmmədi bildirib ki, ötən gecə Xudabəndə-Əbhər yolunda bir Pejo markalı maşın aşıb.

Əliəsğər Şirməhəmmədi əlavə edib ki, “maşın sürücülük qaydalarını riayət etmədiyinə görə aşıb və onun sərnişinləri qəza zamanı maşından çölə atılıb.”

Zəncan vilayəti yol polisi rəisinin sözlərinə görə, “sözügedən yol qəzasında yaralanan sərnişinlər dərhal xəstəxanaya çatdırılıb, lakin onlardan ikisinin həyatını qurtarmaq mümkün olmayıb.”

Qeyd edək ki, Güney Azərbaycan caddələrində faciəvi yol qəzaları artıq ciddi bir ictimai problemə çevrilib. Əksəriyyəti caddələrin qeyri-standard olduğundan yaranan qəzalarda ölən sərnişinlərin sayı günü-gündən artır. Bu barədə əhalinin etirazı və yerli məsulların çağırışı da heç nəyi dəyişmir və hər gün yeni bir faciəvi qəzanın şahidi oluruq.