Güney Azərbaycanın Salmas şəhərində “Azərbaycan Mədəniyyət Evi” yaradıldı.

Məlumata görə, avqustun 1-də (mordadın 10-da) bir sıra azərbaycanlı milli-mədəni fəalın cəhdi nəticəsində “Azərbaycan Mədəniyyət Evi” Güney Azərbaycanın qərb bölgəsində yerləşən Salmas şəhərində yaradılıb.

Elmi, mədəni və ictimai sahələrdə fəaliyyət göstərəcək mərkəz azərbaycanlıların arasında birlik yaratmaq və işbirliyi mədəniyyətinin yayılması uğrunda təcrübəli soydaşlarımızı əməkdaşlığa dəvət edir.

“Azərbaycan Mədəniyyət Evi” öz fəaliyyəti üçün Salmas şəhərinin İcra başçısından icazə alıb.