Dünya birliyi həqiqi soyqırım olan Xocalı faciəsini qəbul etməlidir.

Bu barədə jurnalistlərlə Ombudsman Elmira Süleymanova deyib. O bildirib ki, bununla bağlı hər il bütün beynəlxalq qurumlara müraciət edirlər və müvafiq materiallar göndərirlər. Amma təəssüf ki, dünya birliyi bu soyqırıma lazımi qiymət vermir.

Fransa Senatının “erməni soyqırımı”nın inkarına görə cəza nəzərdə tutan qanunun qəbul edilməsinə toxunan Ombudsman, bunun ədalətsiz və yersiz qərar olduğunu deyib: “Sona qədər bunun qəbul ediləcəyini heç kim gözləmirdi. Çünki, bu, parlamentin işi deyil. Biz bu ədalətsizliyə etiraz edirik və bunu bəyanatlarımızda göstəririk”.