Güney Azərbaycanın Urmiyə şəhərinin İran parlamentindəki millət vəkili növbəti dəfə Urmu gölü böhranından danışıb.
Nadir Qazipur Urmu gölünün vəziyyəti ilə bağlı “Khabar Online”a verdiyi müsahibədə bildirib ki, “2 ildir deyirem ki, Urmu gölünü canlandırma mərkəzi göl üçün ayrılan büdcəni qarşıdan gələn seçki təbliğinə xərcləyir. Bu göl sözügedən mərkəz fəaliyyət başlayanda 30 faiz suya malik idi, hazırda isə bu rəqəm 2 faizə düşüb.”

Urmu gölünün CCU vəziyyətində olduğunu diqqətə çatdıran Millət vəkili vurğulayıb ki, “təcili yardıma ehtiyacı olan Urmu gölünə tezliklə su çatdırılmalıdır, lakin bu barədə heç bir iş görülmür. Bəndlərdən, xüsusi ilə də Piranşəhr (Xana) bəndlərindən gölə su intiqal edilmir. Bu zəmində ancaq büdcə nəzərdə tutulur, ama gölün canlandırılması uğrunda heç bir müsbət irəlləyiş yoxdur.”

N.Qazipur sözlərinin davamında vurğulayıb ki, “Urmu gölünü bu təcili vəziyyətdən qurtarmaq üçün Araz çayı, Piranşəhr və bölgədəki digər hövzələrdən 2 milyard kubmetr su, gölə intiqal verib və göl böhrandan çıxdıqdan sonra əkinçilikdə də istifadə edə bilərdilər.