İran Yol və Şəhər Planlama nazirinin müavini Davud Kəşaverziyan nazirliyin rəsmi saytından etdiyi açıqlamada İran və Türkiyə arasında ən böyük sərhəd-keçid məntəqəsi olan Gürbulak-Bazarqan qapısının təktərəfli olaraq bağlandığını bildirib.

İran tərəfi bunu, dünən Türkiyə ərazisində İrana məxsus bir avtomobilin hücuma məruz qalması ilə əlaqələndirib. Bundan sonra isə Türkiyəyə gedən yol rəsmi olaraq bağlı elan edilib.
Bundan başqa nazir müavini bildirib ki: "Son vaxtlar İran avtomobillərinə hücumların artması ilə əlaqədər olaraq, Türkiyənin İrandakı səfiri Riza Hakan Tekin ilə görüşüldüyünü və İran tərəfinin məsələ ilə bağlı narahatlığı çatdırılıb".
Xəbərdə o da deyilir ki, Türkiyədən İana avtomobillərin girişinə qadağa yoxdur. Qadağa yalnız İran avtomobillərinə aiddir.