ABŞ-da yaşayan azərbaycanlılar və türklər Fransa Senatına 4347 etiraz məktubu göndəriblər

ABŞ-dakı Azərbaycan və Türk diasporları Fransa Senatının qondarma “erməni soyqırımı”nı inkar edənlərin cinayət məsuliyyətinə cəlb olunması barədə qərarına təəssüfləndiyini bəyan edib. Diaspora üzvləri ilk dəfə olaraq fransız dilində məktub kampaniyasına başlayıblar və Senatda müzakirələr davam etdiyi müddətdə Fransa senatorlarına 4347 məktub göndərilib.

“Fransa Senatının bu hərəkəti söz və fikir azadlığına hücumdur. Bu qeyri-demokratik, ədalətsiz və qeyri-etik bir tədbirdir, müsəlmanlara və xüsusilə də türklərə qarşı ayrı-seçkilikdir”.