Qapıçılar arasında vurulan qollar üzrə dünya rekordçusu Rojerio Seni özünün 130-cu qolunu vurub.

lenta.ru saytının verdiyi məlumata görə, qapıçı Brazilya çempionatı çərçivəsində keçirilən "San-Paulu" - "Fiqeyrense" oyununda penalti zərbəsini dəqiq yerinə yetirərək, özünün 130-cu qolunu vurub. Oyunun nəticəsinə görə "San-Paulu" rəqib üzərində 2:0 hesablı qələbə qazanıb.

Qeyd edək ki, cari ildə Rojerio meydanda 42 oyun keçirib. Bu oyunlar ərzində qapıçı penalti zərbələrindən 7 qol vurmağa nail olub.

Ümumilikdə, Rojerio meydanda 1245 oyun keçirərək 130 qol vurub. O, rəsmi olaraq Beynəlxalq Futbol Federasiyaları Assosiasiyası tərəfindən tarixdə ən çox qol vurmuş qapıçı kimi tanınıb.