Təbrizin səhənd stadionunda bu şəhərin “Traxtur” futbol komandası ilə Tehranın “Rah ahən” takımı arasında keçirilən müsabiqə bərabər hesabla sona çatıb.
İran üzrə futbol klublarının super liqa rəqabətlərinin 3-cü həftəsində keçirilən müsabiqə avqustun 14-ü (mordadın 23-ü) yerli vaxtla saat 18:50-də başlayıb. Oyunda hər komanda tərəfindən bir qol vurulub.
Sruş Rəfii 22-ci dəqiqədə “Traxtur” və Əmir Nəsrazadani 88-ci dəqiqədə “Rah ahən” tərəfindən qol vurublar.
Bununla da “Traxtur-Rah ahən” müsabiqəsi (1 – 1) bərabər hesabla sona çatıb.
“Traxtur”un oyunçusu Səid Ağayi oyunun ikinci hissəsində öz rəqibi ilə toqquşub və bel nahiyyəsindən ağır xəsarət alıb. Futbolçu dərhal xəstəxanaya çatdırılıb.