İran xəbər agentlikləri “Saatın Səsi” adlı türkcə musiqili tamaşasının avqustun 16 və 17-də Təbrizin İqbal Azər sarayında Laçın musiqi qrupu tərəfindən səhnəyə çıxarıldığını bildirir.

Tədbirin facebook səhifəsində tamaşanın adı “Saatın Səsi, qocaman şəhərin dərin səsləri” olaraq qeyd edilib.

İRNA xəbər agentliyinə danışan Laçın qrupunun rəhbəri Ariya Türkanpurinin sözlərinə görə, səhnədə müğənnilər Fərhad Sultani və Ehsan Əbdi xor qrupunun müşayiəti ilə mərhum şair İmran Səlahinin şeirlərini ifa edəcəklər.

Qrupun musiqiçiləri isə klarnet, akustik gitara, bas gitara, zərb, setar, balaban, tar, skripka, fiddle, violonçel və truba kimi musiqi alətlərini səsləndirəcəklər.

Musiqili tamaşanın rejissoru Mehdi Ləziridir.