İran üzrə futbol klublarının super liqa rəqabətlərinin 4-cü həftəsində Təbrizin “Traxtur” futbol komandası ilə Məşhədin “Pədidə” takımı Məşhəddə qarşılaşacaq.
“Pədidə” klubunun məsulları Azərbaycan komandasına qalib gəlmək üçün var gücləri ilə hazırlıq işləri aparır. Onlar “Pədidə” tərəfdarlarının sayı çox olsun deyə xüsusi tədbirlər alıb. Belə ki, “Traxtur-Pədidə” müsabiqə zamanı stadiona giriş pulsuz elan edilib. Həmçinin bir neçə otobus klubun vəsaiti hesabına şəhərin müxtəlif yerlərindən stadiona gediş haqqı almadan tamaşaçı daşıyacaq.

Bildirək ki, “Traxtur-Pədidə” müsabiqəsi avqustun 21-i (mordadın 30-u) yerli vaxtla saat 17:30-da Məşhədin Samin stadionunda start götürəcək.