Vasitəçilər qarşıdakı aylar üçün konkret tələblər irəli sürür
İsrail Yaxın Şərq üzrə dördlüyün (ABŞ, Rusiya, Avropa Birliyi və BMT) Fələstinlə danışıqların bərpa olunmasına dair təklifini qəbul edib.

Sentyabrın 23-də irəli sürülən təklifin əsas mahiyyəti İsrail və Fələstinin dərhal danışıqlar masası arxasına əyləşməsindən ibarət idi.
İsrail tərəfi bu təklifi yalnız əlavə şərt olmadan danışıqlara davam kimi qəbul etdiklərini bildirib.


Beynəlxalq vasitəçilər İsrail və Fələstinə danışıqları bərpa etmək üçün 1 ay vaxt verib. Üç ay ərzində tərəflər sərhədlərin müəyyən olunması ilə bağlı razılığa gəlməli, yaxın 6 ay müddətində isə danışıqlarda kifayət qədər irəliləyiş əldə olunmalıdır.