İranın Şərqi Azərbaycan əyalətinin incəsənət idarəsindəki musiqi bölməsinin məsulu Seyid Məhəmmədhüseyn Bulaği sentyabrın 12-də jurnalistlərə açıqlamasında Azərbaycanın böyük şairi Məhəmmədhüseyn Şəhriyar üçün hazırlanan musiqi albomundan danışıb.
Məhəmmədhüseyn Bulaği deyib ki, bu ilin payızında Təbrizdə keçiriləcək “Ustad Şəhriyar Beynəlxalq Qurultayı”nda təqdim olunmaq üçün şairin adına 7 mahnıdan ibarət bir musiqi albomu hazırlanır: “Şəhriyarın dini mzmunlu əsərləri əsasında hazırlanan və hazırda yazılışına başlanan mahnılardan 6-sı fars dilində, “Allahın vədi” adlı bir mahnısı da Azərbaycan Türkcəsində olacaq. Musiqi albomunda yer alacaq mahnıların şeirləri isə Ustad Şəhriyarın şeir divanından seçilib”.