Təbrizin səhənd stadionunda “Traxtur” futbol takımı ilə Tehranın İstiqlal komandası arasında keçirilən müsabiqə sona çatdı.
İran üzrə futbol klublarının superliqa rəqabətlərinin 23-cü həftəsində keçirilən müsabiqənin 1-ci hissəsində, “İstiqlal” takımı tərəfindən 1 qol vuruldu. Qolu Muctaba Cabbari Penalti nöqtəsindən 43-cü dəqiqədə vurdu.
Qeyd edək ki, bu qolun vurulmasına keçmişdəkilər kimi hakimin qərəzli mövqeyi səbəb olub. Hətta hakimlər ekspertləri (karşünas) dərhal hakim Möhsün Torkiyə reaksiya (əksüləməl) veriblər. Xudadad Əfşariyan “Mehr” xəbər agentliyinin müxbirinə bildiriblər ki, ““Traxtur” oyunçusu Ehsan Hacı Səfi heç bir xəta etməyib. Əgər 41-ci dəqiqənin səhnəsi bir daha asta şəkildə göstərilsə, bunu hər kəs görər. Ona gorədə, hakimin həm penalti və həm “Traxtur” oyunçusunu oyundan çıxarmaq qərarı yalnış qərardır.”
Məlumata görə, İkinci hissənin 60-cı dəqiqəsində “Traxtur”un xeyirinə Penalti baş versə də, hakim bunu qəbul etməyib. Hakimin ikinci dəfə yol verdiyi qərzli qərar “Traxtur” tərəfdarlarını olduqca narahat edib. Onlar müxtəlif şüarlarla öz etirazlarını bildirib və stadionu lərzəyə gətiriblər.Müsabiqənin ikinci hissəsinin son dəqiqələrində “İstiqlal” takımının oyunçusu Muctaba Cabbari yenədə Penalti nöqtsindən ikinci qolu vurub.
Bununlada “Traxtur-İstiqlal” yarışı (2 – 0) hesabı ilə “İstiqlal”ın xeyirinə yekunlaşıb, əgər belə adlandırmaq mümkünsə... .
Qeyd edək ki, “Taxtur”la “İstiqlal” müsabiqəsi adətən prinsipial xarakter (mahiyyət) daşıyır və bu dəfə də cədvəlin birinci və ikinci takımları arasında keçirilən müsabiqə xüsusi əhəmiyyət daşıyırdı. Sırf yarışın önəminə görə, havanın qarlı və soyuq olmasına baxmayaraq “Traxtur” tərəfdarları saatlar öncədə işlərindən ayrılıb və stadion ətrafına toplaşıblar. Məlumata görə, Təbriz şəhəri bu gün adi günlərdən fərqlənibdir. İş yerləri, mağazalar tez bağlanıb və şəhər ətrafında bulunan avtomobillərin sayı azalıb.
Müsabiqəyə bir gün qalan, polis və bəsic qüvvələrindən ibarət (hökumət tərəfdarları-yarımsilahlı dəstələr) yoxlama məntəqələri yaradılıb. Onlar Təbriz, Urmu, Xoy, Salmas, Mərənd, Marağa və ... kimi şəhərlərdə geniş yoxlamalara başlayıblar. Şahidlərin sözlərinə görə bu yoxlamalar keçən aylardakı Urmu Gölü Etiraz Yığıncaqları zamanı həyata keçirilən tədbirləri xatırladırmış.
Güney Azərbaycan saytlarınımn yaydığı məlumata görə, İslam İnqilab Keşikçilər Korpusunun (SEPAH) qüvvələri də dünəndən hazır vəziyyətə gətirilib. Onlar Azərbaycanın böyük şəhərləri və xüsusi ilə Təbrizin səhənd stadionu ətrafında gizli yerlərdə durub və ehtimal olunan etirazları yatırmaq üçün tədbir görüblər.