Ötən günlərdə Rəcayişəhr zindanında qəflətən dünyasını dəyişən əmək fəalı Şahrux Zamaninin yaxın qohumunun vəziyyəti barədə heç bir məlumat yoxdur.
Məlumata görə, Əmək və sendika fəalı Valeh Zamaninin saxlanılması məsuliyyətini bu günə qədər heç bir rəsmi orqan öz üzərinə götürməyib.

Fəalın ailəsi onun harada saxlanıldığı ilə əlaqədar məlumat almaq üçün müxtəlif orqanlara müraciət edib, lakin heç bir bilgi əldə edə bilməyib.

Qeyd edək ki, əmək fəalı V.Zamani ötən günlərdə Rəcayişəhr həbsxanasında qəflətən vəfat edən Ş.Zamaninin əmioğlu və xalaoğlusudur. O sentyabrın 20-də (şəhrivərin 29-da) 5 nəfər əmək fəalını evə çatdırmaq istədiyi vaxt təhlükəsizlik qüvvələri tərəfindən saxlanılıb.