Keçən günlərdə Rəcayişəhr Zindanından qəflətən dünyasını dəyişən əmək fəalı Şahrux Zamaninin yaxın qohumu 9 gün saxlandıqdan sonra azadlığa buraxılıb.
Valeh Zamani sentyabrın 28-də (mehrin 6-da) 200 milyon tümənlik mülki vəsiqə qarşılığında sərbəst buraxılıb.

Qeyd edək ki, əmək fəalı V.Zamani ötən günlərdə Rəcayişəhr həbsxanasında qəflətən vəfat edən Ş.Zamaninin əmioğlu və xalaoğlusudur. O sentyabrın 20-də (şəhrivərin 29-da) 5 nəfər əmək fəalını evə çatdırmaq istədiyi vaxt təhlükəsizlik qüvvələri tərəfindən saxlanmışdır.

Fəal saxlandığı müddətdə ailəsi ilə heç bir əlaqə saxlaya bilməyib və hazırda onun nədə günahlandırıldığı ilə bağlı heç bir məlumat yoxdur.