İranda Azərbaycan milli kimliyi uğrunda dinc mübariz, 22 yaşlı xiyavlı fəal Sina İrşadi tutulub.
Sina İrşadi milli zəmində apardığı dinc fəaliyyətlərinə görə oktyabrın 4-də ETTELAAT-ın Meşkinşəhr (Xiyav) idarəsinə çağırılıb və oradaca tutulub. Fəalın hazırda harada saxlandığı və konkret nədə günahlandırıldığı bilinməsə də, onun həbsi, yeni tədris ilində məktəblərin açılması ilə bərabər Azərbaycan şəhərlərində ana dilində təhsil hüququ tələbi ilə divarlarda şüarlar yazılması ilə əlaqələndirildiyi təxmin edilir.