Təbrizdə əmək fəalı Əli Faizpur məmurlar tərəfindən yaxalanıb və bu şəhərin ETTELAAT (İran Kəşfiyyat Nazirliyi) şöbəsinə aparılıb.
Fəal oktyabrın 3-də (mehrin 11-də) ETTELAAT məmurları tərəfindən evindən çıxarkən yaxalanıb. “Herana”nın yaydığı xəbərə görə, məmurlar fəalı yaxaladıqdan sonra onun evində 1 saat müddətinə axtarış aparıblar.

Ə.Faizpur yaxalandıqdan sonra ailə üzvləri ilə heç bir əlaqə saxlaya bilməyib.

Məlumata görə, əmək fəalı bundan öncə də təhlükəsizlik qüvvələri tərəfindən idarəyə çağırılıb və müxtəllif təhdidlərə məruz qalıb.

Ə.Faizpurun yaxalanmasının səbəbi və ona qarşı irili sürülən ittihamlarla bağlı məlumat olmasa da, onun keçən həftələrdə Evin zindanında qəflətən dünyasını dəyişən əmək fəalı Şahrux Zamaninin dəfn mərasimində iştirakı ilə bağlı yaxalandığı ehtimal olunur.