Ankara məhkəməsi oktyabrın 10-da Türkiyə paytaxtında baş verən terror aktı ilə bağlı xəbərlərin yayılmasına qadağa qoyub.

Hurriyet qazetinin verdiyi məlumata əsasən, qərar dərhal qüvvəyə minib, Türkiyə KİV-ləri bu barədə məlumatlandırılıb.

Məhkəmənin qərarına əsasən, qadağa televiziya, radio, mətbuat, İnternetdə bütün növ xəbərlər, məqalələr və müsahibələrə şamil edilir.