Misirin Şimali Sinay mühafizəsində məscid yaxınlığında törədilən partlayış nəticəsində iki nəfər ölüb, 5 nəfər yaralanıb.
"Report" TASS-a istinadən xəbər verir ki, bu barədə hüquq-mühafizə orqanlarının məlumatında bildirilib.
Məlumata görə, əldəqayırma bomba Əl-Ariş şəhərində polislər məscid yaxınlığından keçərkən işə düşüb. Bir hərbçi və bir dinc sakin terror aktının qurbanı olub.