Moskvanın Triumf meydanında icazəsiz keçirilən etiraz aksiyasının 49 iştirakçısı həbs olunub.
APA-nın svobodanews.ru saytına istinadən verdiyi xəbərə görə, polis idarəsinə aparılanların arasında müxalif “Druqaya Rossiya” partiyasının lideri Eduard Limonov olub. Aksiya iştirakçıları sərbəst toplaşmaq azadlığın təmin olunmasını tələb ediblər.

Analoji aksiya Sankt-Peterburqda keçirilib. Orada polis 12 nəfər aksiya iştirakçısını saxlayıb.
Qeyd edək ki, “Druqaya Rossiya” partiyası Moskva icra hakimiyyətinin razılığı ilə fevralın 4-də keçiriləcək ümum vətəndaş mitinqində iştirak etməkdən imtina edib. Limonov fevral ayında keçiriləcək mitinqin təşkilatçılarını təslimçilikdə günahlandırıb.