Təbrizin “Traxtur” futbol komandası növbəti müsabiqəyə hazırlaşır.
İran üzrə futbol klublarının super liqa rəqabətlərinin 9-cü həftəsində keçiriləcək müsabiqədə “Traxtur” takımı Əlborzun “Saypa” komandası ilə qarşılaşacaq.

Müsabiqə oktyabrın 20-i (mehrin 28-i) yerli vaxtla saat 16:00-da Təbrizin səhənd stadionunda baş tutacaq.

“Traxtur-Saypa” müsabiqəsini GünAz TV ekranından canlı olaraq izləyə bilərsiniz.

Bildirək ki, müsabiqəyə “Traxtur”un coşqulu tərəfdarları tamaşaçı qismində qatıla bilməyəcək. Buna səbəb İran Futbol Federasyonu İnzibati Komitəsinin qərarıdır. Belə ki, İnzibati Komitə “Perspolis”lə müsabiqədə sözdə baş verən xətaları əsas gətirərək “Traxtur”u bir müsabiqəni tamaşaçısız keçirməyə məhkum edib.