Azərbaycanlı milli-mdəni fəal Nima Həsəni Urmiyə zindanından azadlığa buraxılıb.
Məhkum edildiyi həbs cəzasını çəkmək üçün məhkəməyə müraciət etdikdən sonra saxlanılıb və Urmiyə zindanına aparılan fəal bazar günü azadlığa buraxılıb.

Nima Həsəni 2014-cü il iyunun 9-da (1393-cü il xordadın 19-da) Urmu gölü ilə bağlı “20 Xordad” yığıncağı ərəfəsində 21 nəfərlə birlikdə yaxalanıb və Urmiyə inqilab məhkəməsinin 1-ci şöbəsində ölkə təhlükəsizliyini pozamağa cəhd göstərmək və sistemin əleyhinə təbliğ ittihamı ilə 6 ay azadlıqdan məhrum edilib.

Məhkəmənin çıxardığı həbs qərarı Qərbi Azərbaycan Apelyasiya Məhkəməsi (təcdide nəzər məhkəməsi) tərəfindən saxlanma günləri hesab olunmaqla 1 ay müddətinə azaldılmışdır.

Bildirək ki, adını çəkdiyimiz fəal bundan öncə də mədəni fəaliyyətlərinə görə müxtəlif təzyiqlərə məruz qalıb və saxlanılıb.