Azərbaycanlı milli-mədəni fəal İbrahim Fərəczadə həbs olunub. O məhkum edildiyi həbs cəzasını çəkmək üçün artıq Təbriz həbsxanasına salınıb.
Azərbaycanlı fəal bundan öncə Təbrizin inqilab məhkəməsi tərəfindən 6 ay həbs cəzasına məhkum edilib.

Qeyd edək ki, adını çəkdiyimiz azərbaycanlı fəal keçən illərdə şübhəli şəkildə dünyasını dəyişən Çingiz Bəxtavərin dəfn mərasimində tutulmuşdur. O Maralan məzarlığını tərk etdiyi zaman 20 nəfərdən çox fəalla birlikdə təhlükəsizlik qüvvələri tərəfindən yaxalanıb. Təhlükəsizlik qüvvələri fəalları yaxalarkən zəncir, dəyənək və gözyaşardıcı qazdan istifadə edib və fəalların bir neçəsinə xəsarət yetirmişdir.