İran İnqilab Keşikçiləri Korpusunun (Sepah) yüksək rütbəli üzvü, “Fatimiyyun” briqadasının komandanı Mustafa Sədrzadə Suriyada gedən döyüşlərdə həlak olub.
“Sepah”ın “qüds” qanadının üzvü Mustafa Sədrzadə oktyabrın 23-ü axşam saatlarında Suriyanın Hələb şəhərində İŞİD qüvvələrinə qarşı keçirilən hərbi əməliyyatda öldürülüb. Onun meyitinin yaxın gübnlərdə ölkəyə gətiriləcəyi bildirilir.

Qeyd edək ki, İran İslam Respublikası Bəşər Əsəd rejiminin əsas müttəfiq və himayədarlarından biri sayılır. Son həftələrdə isə Suriya ordusu ilə birlikdə İŞİD-çilərə qarşı keçirilən hərbi əməliyyatlarda “Sepah”ın onlarla komandir və üzvü həlak olub.