Müsabiqə ötən ilin hadisələrini xatırlatdı, yarış bərabər hesabla sona çatdı



Təbrizdə bu şəhərin “Traxtur” futbol komandası ilə İsfahanın “Zob Ahən” takımı arasında keçirilən müsabiqə bu dəqiqələrdə bərabər hesabla sona çatdı.
İran üzrə futbol klublarının super liqa rəqabətlərinin 10-cu həftəsində keçirilən müsabiqə Təbrizin səhənd stadionunda baş tutdu.

Ötən ilin super liqa rəqabətlərinin qalmaqallı son müsabiqəsini (“Traxtur-Neft” yarışması) xatırladan oyunda, “Traxtur” inanılmaz bir şəkildə bərabər hesabla razılaşmalı olub. Belə ki, oyunun 81-ci dəqiqəsinə qədər hesabda 4:1 irəlidə olan “Traxtur” sonda 4:4 hesabı ilə oyunu başa çatdırıb.

“Traxtur” tərəfindən Sruş Rəfii 16, Şahin Saqibi 55 və Bəxtiyar Rəhmani 45 və 75-ci dəqiqələrdə, “Zob Ahən” tərəfindən isə Ehsan Pəhləvan 27, Murtaza Təbrizi 81, Kavə Rzayi 86 və Danyal İsmailifər 90+4-cü dəqiqədə qol vurdular.

Bu nəticədə sonra “Traxtur” 14 imtiyazla cədvəlin 6-ci yerində qərarlaşib.