1 noyabr 2015-ci il tarixində keçiriləcək Parlament seçkilərində 31 saylı Suraxanı ikinci seçki dairəsindən namizədliyi irəli sürülmüş Milli Dirçəliş Hərəkatı Partiyasının sədri, millət vəkili Fərəc Quliyev virtual aparılan səsvermə və sorğularda rəqiblərini böyük fərqlə geridə qoyur.

Sorğular aparan azadliq.orq, namized.com, milletvekili.az, azxeber.az, sesverme.informasiya.org, editor.az, namized.az, nezermedia.az, bastainfo.com və bu kimi saytlarda seçki kompaniyası başlayandan Fərəc Quliyev liderliyini daim qoruyub saxlayıb. Fərəc Quliyevin bütün sorğuların qalibi olması barədə bir neçə dəfə mətbuatda xəbərlər də verilib. Hətta, MDHP sədrinin alternətivlərindən birinin rəhbərlik etdiyi saytda belə Fərəc Quliyev sorğu başlayandan daim birinci olub. Düzdür sayt rəhbərliyi buna dözümlü yanaşa bilməyib, öz xeyrinə süni səs artirması etsə də, tərəfdarların verdiyi səslər yenidən Fərəc Quliyevi birinci etdi.
MDHP-çilər bunu təkcə siyasi dözümsüzlük kimi deyil, Fərəc Quliyevə qarşı olan qərəz olmaqla bərabər həm də belə davranışın seçicini aldatmaq və saytın özünə və oxucusuna olan hörmətsizliyi kimi dəyərləndirirlər.
Qeyd edək ki, Fərəc Quliyev nəinki 31 saylı Suraxanı ikinci seçki dairəsi üzrə namizədlər arasında aparılan sorğularda alternativlərini böyük fərqlə üstələyir, o, həm də respublika üzrə millət vəkilləri üçün keçirilən sorğuların liderlərindən biridir.