İranın "Kohkiluye və Boyer Əhməd" əyalətindən Suriyaya göndərilmiş “Sepah” komandiri bu ölkənin Hələb şəhərində Bəşər Əsəd ordusu ilə birlikdə İŞİD-çilərə qarşı həyata keçirilən “Ağır intiqam” adlı hərbi əməliyyatda həlak olub. Onun öldürüldüyü vaxt və meyitinin ölkəyə gətirilib-gətirilmədiyi haqda məlumat yayılmayıb.

Qeyd edək ki, İran İslam Respublikası Bəşər Əsəd rejiminin əsas müttəfiq və himayədarlarından biri sayılır. Son həftələrdə Suriya hökumətini qorumaq üçün bu ölkəyə göndərilmiş “Sepah”ın onlarla komandir və üzvü İŞİD-ə qarşı hərbi əməliyyatlarda həlak olub.