İran televiziyasının türkləri təhqir etməsi bir çox azərbaycanlını ayağa qaldırdığı kimi müxtəlif universitetlərin öyrəncilərini də aksiya keçirməyə məcbur edib.
Məlumata görə, Azərbaycanın böyük şəhərlərində keçirilən kütləvi aksiyalardam bir gün sonra etiraz yığıncaqları universitetlərdə davam etdirilir.

Noyabrın 10-da (abanın 19-da) Marağa universitetinin öyrənciləri İran Telekanalında türklərin təhqir edilməsinə etiraz ediblər. Etiraz aksiyası Təbriz, Zəncan və Şəhid Mədəni universitetlərində keçirilən etiraz yığıncaqları ilə eyni günə təsadüf edir. Yerli vaxtla saat 11:00-dan 19:00-dək davam edən yığıncağa çoxsaylı azərbaycanlı öyrənci qatılıb.

Yığıncağın sonunda İran televiziyasının türkləri təhqir etməsinə qarşı imzatoplama kampaniyası keçirilib, etiraz bəyanatını 500 nəfərdən çox öyrənci imzalayıb.