Türkiyə kütləvi informasiya vasitələri son günlərdə Güney Azərbaycanda fars irqçiliyinə qarşı keçirilən etiraz aksiyaları ilə bağlı geniş məlumat yayıb.
Türkiyənin müxtəlif televiziya və radio kanalları o cümlədən TRT türk, Kanal 24 və Kanal Haber Türk və s. Azərbaycan xalqının keçirdiyi yürüşü işıqlandırıb.

Teleradio kanallarına qatılan ekspertlər İrana hakim olan irqçi sistemi məhkum edərək Güney Azərbaycan, Quzey Azərbaycan və Türkiyə arasında mənəvi bağların olduğunu dilə gətiriblər. Onlar İran televiziyasının türkləri təhqir etməsini kəskin tənqid edərək bu rəftarın elə fars şovinizminə uyğun olduğunu bildiriblər.

Star qəzetinin yazıçılarından olan Sevil Nuriyeva fars şovinizmini kəskin tənqid edərək bildirib ki, azərbaycanlıların keçirdiyi dinc aksiyalarda Azərbaycana yönəlik eşqlə dolu şüarlar səsləndirildi və bu bizə çox təsir etdi. Biz türklərə deyilən təhqiri elə onların özünə qaytarırıq, onlar elə buna layiqdir.