Bakıda son 100 ildə ən aşağı temperatur qeydə alınıb. Bu barədə Ekologiya və Təbii Sərvətlər Nazirliyinin (ETSN) Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyev bildirib.

Fevralın əvvəlindən başlayan şimal-qərb küləyi fevralın 2-də davam edib, küləyin maksimal sürəti Bakıda və Abşeron yarımadasında saniyədə arabir 28-33 metrədək güclənib.

Havanın minimal temperaturu Bakıda və Abşeron yarımadasında son 100 ildə ən aşağı səviyyəyə - 5,5 dərəcə şaxtayadək enib. Yəni fevralın 3-də bu cür hava şəraiti son 100 ildə qeydə alınmışdı.

Verdiyev deyib ki, havanın minimal temperaturu Aran rayonlarında 0-3 dərəcə şaxta, dağlıq rayonlarda isə 9-12 dərəcə şaxta təşkil edib.

Naxçıvan Muxtar Respublikasında 6-11 dərəcə şaxta olub.