Güney Azərbaycanın Əhər şəhərində fars irqçiliyinə qarşı keçirilən etiraz aksiyasında onlarla etirazçı təhlükəsizlik qüvvələri tərəfindən yaxalanmışdır.
Son məlumata görə, hökumət qüvvələri tərəfindən tutulan əhərli soydaşlarımız artıq həbsxanaya göndərilib. Tutulan qadınlar isə həbsxananın qadınlar bölməsinə salınıb.

Əldə etdiyimiz məlumata görə, yaxalanan fəalların azadlığa buraxılması üçün 50 milyon tümənlik mülki vəsiqə qərarı çıxarılıb, lakin fəallar bu qərarı qəbul və təmin etməyəcəklərini elan ediblər.

Fəallar milli təhlükəsizliyi pozmağa cəhd göstərməkdə ittiham edilib.

Bildirək ki, Əhər şəhərində keçirilən irqçiliyə qarşı yürüşdə onlarla soydaşımız yaxalanıb. Dinc aksiya təhlükəsizlik qüvvələrinin kobud hücumuna məruz qalıb. Məmurlar yürüşü dağıtmaq üçün havaya güllə atıb və etirazçılara dəyənəklərlə hücum ediblər.