İran hüquq mühafizə qüvvələrinin sözçüsü Səid Müntəzir ül Məhdi noyabrın 15-də jurnalistlərə açıqlamasında şəxsi avtomobillərinin içində hicabına riayət etməyən və ya başı açıq gəzən qadın sürücülərə xəbərdarlıq edib.
Səid Müntəzir ül Məhdi deyib ki, hicabına riayət etməyən qadın sürücülərin avtomobillərinin hərəkətinə bir il müddətinə məhdudiyyət qoyulacaq: “Şəxsi aqvtomobillərinin içində başı açıq oturan və ya hicabına riayət etməyən qadın sürücülərin maşınları saxlanılacaq. Avtomobillər isə saxlandıqdan sonra bir həftəliyə cərimə meydançasına köçürüləcək və onların hərəkətinə, alqı-satqısına bir il müddətinə məhdudiyyət qoyulacaq”.

Polis sözçüsü deyib ki, son bir həftədə paytaxt Tehranda hicabına hökumətin istədiyi qaydada riayət etməyən 10 min qadın sürücüsünə xəbərdarlıq edilib.