Azərbaycanlı milli-mədəni fəal Meşginşəhr zindanında (Xiyav) aclıq aksiyasını dayandırıb.
Fars irqçiliyinə qarşı keçirilən etiraz aksiyasında tutulan Beytullah Bərzgər noyabrın 16-da (abanın 25-də) aclıq aksiyasını dayandırıb.

Noyabrın 12-də yaxalanıb və Meşginşəhr zindanına aparılan fəal təcridxanaya salındıqdan sonra aclıq aksiyasına başlamışdır.

Qeyd edək ki, noyabrın 6-da İran televiziyasında yayımlanan “Fitilə” proqramında türklər iyrənc şəkildə təhqir edilib. Buna etiraz olaraq Güney Azərbaycanın müxtəlif şəhərləri, paytaxt Tehran və Qum şəhərində kütləvi etiraz yürüşləri keçirildi, yürüşlərdə ən azı 130 nəfər təhlükəsizlik qüvvələri tərəfindən yaxalandı.